Tópicos que se cumpren

Eu, que sempre me indigno cando me din que ás mulleres nos afectaba moito a menstruación, volvéndonos insoportables ás veces, teño que dicir que este mes cumprín o tópico. Este mes doeume todo: os peitos, a espalda, a barriga... E o que é peor, afectoume ao humor. Así que, de súpeto, empezaba a chorar a lágrima viva sen ningún motivo, pensando que todo o mundo era unha merda, só con ganas de meterme na cama e espertar cando todo pasara. Ademais, a iso sumouseme unha pequena dolencia (nada grave, non vos asustedes) que por momentos me fixo ver as estrelas... E por riba puxéronme unha inxección. E cal foi a miña sorpresa cando o enfermeiro me di: "no, es en la nalga...". Pobriño, todo o que tiveches que aturar este venres ao meu lado. Grazas, e espero que isto non se volva repetir...